TV-dokumentar: Forsking og miljøovervaking i Ny-Ålesund

Denne 50 min. lange TV-dokumentaren (norsk og engelsk versjon) skal vise kva type forsking og miljøovervaking det går føre seg i Ny Ålesund. Ein gamal gruveby som bare ligg vel 1000 km frå nordpolen, men som likevel har ein svært godt utbygd infrastruktur med mest daglege flyruter og elektronisk breidbandsamband med omverda.

Dette er ein internasjonal forskarlandsby der bortimot 20 ulike nasjonar er med i over 60 forskar-prosjekt, fleire av dei knytta direkte til IPY. Her studerar forskarane livet i havet, på bakken og i lufta. Her småler ein korleis jordplatene flyttar seg, her er  rakettstudiar av atmosfærefysikken og her er ei intens miljøovervaking i noko av verdas reinaste natur.

Forskinga i Ny Ålesund viser kor viktig og relevant moderne polarforsking er. Som visuell ramme rundt byen finn vi Kongsfjorden og Zeppelinfjellet, Svalbards kanskje mest spektakulære område. Det seier ikkje lite.

Og sidan dei fleste av desse problemstillingane er av internasjonal og global karakter, så vil ein slik TV-dokumentar og ha eit stort internasjonalt publikum, ikkje minst på grunn av det visuelle uttrykket som ein finn her oppe.