Internasjonalt tokt i Nordvestpassasjen for vidaregåande skular

International Schools on Board inviterer nemlig til eit spanande tokt med isbrytaren Amundsen i canadisk Arktis. Norge er eitt av åtte land utanom Canada, som har fått tilbod om to plassar på dette toktet. Kva som skal skje på sjølve toktet finn du ut ved å lese den engelske informasjonen.

Kva må du gjere for å kunne delta?

Skolen må sende ein søknad om å få representere Norge på dette toktet. Den skolen som vert plukka ut kan sjølv velje den læraren og eleven som skal delta. Her er kriteria som vert brukt internasjonalt for utveljinga av elev og lærar.

Søknaden

Søknaden må vise korleis skulen ynskjer å arbeide med temaa som er i fokus i Polaråret. Noreg har vald å dele Polaråret inn i 4 hovudtema: Hav og is, Dyr og mennesker, Lys og luft og Klima og miljø. I tillegg kan ein også ta for seg politikk i nordområda, ressursutnytting  og polarhistorie.

Naturfagsenteret vil saman med forskarnettverket ARCTOS plukke ut ein skole til å representere Norge på dette toktet. Heile toktet vert dekt av International Schools on Board inklusiv fly tur/retur Edmonton. Det norske Polaråret dekker utgiftene til transport til/frå Oslo.

Krav til den skulen og deltakarane som vert plukka ut

• Lærar og elev må skrive blogg under turen slik  at andre skular kan følgje med på nettet.
• Deltakarane må også skrive ein rapport som kan publiserast i aviser, tidsskrift og på nettet.
• Det kan også vere aktuelt at skulen arrangerer ein informasjonskveld for nærmiljøet
• Generell marknadsføring av Polaråret

Tidspunkt

Internasjonalt tokt nr 1: 25. februar- 9. mars (inklusiv fly tur/retur Canada)

Internasjonalt tokt nr 2: 7. april - 20. april (inklusiv fly tur/retur Canada)

Program (førebels)

Send søknaden som epost til post@naturfagsenteret.no

Søknadsskjema

Søknadsfrist: 20. juni 2007

Kontaktperson: Karl Torstein Hetland (karlth@online.no)